AF268: 74r

Rūma terġīb ve ol merzubūma meyl ėtdürür kelimāt tertīb eyleyesiz bir gün merḥūm ḥażretleri ile müşār ileyhi mollā hem‑ʿinān olub // muṣāḥebet ėderken ilde ne söz gelici [?] vardur dėyü suʾāl buyurdılar mollā dėdi ki pādişāhum yolda gelürsin leşker ḫalqı // Nīlden ṭavarların ṣuvarırken işitdüm birisi bir türki çaġırur ve bu qıṭʿaʾı oqur ki qıṭʿa nemüz qaldı bizim mülk‑i ʿArabda // niçe bir ṭuravuz Şām u Ḥalebde cihān ḫalqı qamu ʿīş ü ṭarabda gel Aḫī gidelüm Rūm illerine merḥūm ḥażretlerine ziyāde // hoş gelüb maqarr‑i ḫilāfetlerine muʿāvedet meyllerin iẓhār buyurdılar ve şimden gėrü bunda tevaqquf iqtiżā ėder umūr // daḫı qalmadı mürācaʿat eylerüz dėyü buyurdılar mollā bu laṭīfeden ṣoñra bir gün daḫı hem‑ʿinānlik şerefin iḥrāz ėdüb // mukāleme ėderken merḥūm pādişāh suʾāl ėtdiler ki Mollā Luṭfī sizüñ üstāduñuz imiş ʿilm ü fażlı maʿrūf iken qatline // bāʿis̱ oldı Mollā dėmiş ki ḥased‑i aqrān belāsına uġradı laṭīf ṭabʿ beẕle‑gū‑yi nādire söyleyici kimesne idi // eks̱er nāsı ṭonadur idi ol cihetden ʿadūsı çoġalub ġālib oldılar ve iftirā ile helākine saʿy ėtdiler Mollā // Luṭfīnüñ şūḫligi bir mertebede idi ki gāhī baʿżı laṭīfeler iḫtirāʿ eyler‑idi işiden iḫtirāʿ olmasın // gümān ėtmeyüb vāqiʿ ṣanurlar idi dėdükde pādişāh‑i firdevs‑āşiyān daḫı buyurdılar yā siz daḫı üstāduñuz gibi böyle // laṭīfe söyleyemez‑misüz ki vāqiʿ ẓann olına mollā merḥūm dėdi geçenki gün biz nevbetümüzi ṣavdıq nevbet şimdi yoldaşum // duʿācıñuza düşdi anlar söylesün merḥūm pādişāh buyurdı ki yoqsa ol gün‑ki qıṭʿa‑i bedīhe‑mi idi mollā daḫı // ferāset–i ṣādıqa‑i pādişāhī şehādet ėtdügi gibidür dėyüb selāmladı menzile geldikde mollāya beş yüz filori // inʿām gönderdiler ḥikāyet ʿulemā‑yi ʿAcemden Mevlānā Ḥekīm Şāh Muḥammed ki ḥuẕẕaq‑i eṭibbādandur ve müʾellefāt // ve muṣannefāt‑i kes̱īre ṣāḥibidür ḫoş ṣoḥbet nādire‑gūy küşāde meşreb ṣāfī dil kimesne idi ve Sulṭān // Bāyezīd Ḫān ʿaleyhi r‑rıżvān ʿahdinde merʿī olub vaẓīfesi yüz yigirmi aqçe idi gāhī rikāb‑i pādişāhīye // hem‑ʿinān olub şeref‑i şoḥbetlerinden behre‑yāb olur‑idi bir gün rikāb‑i şāh‑i kāmyāb ile müstesʿid olub şeref‑i // ḫiṭāb‑i müsteṭāblarından ser‑firāz olduqda buyurdılar ki Ḥakīm bu gėce qande idüñ ḥekīm dėdi pādişāhum mīrāḫor Aḥmed Aġa // dėdügi ḫāyin olan Aḥmed Paşadur kim muṣāḥib ve hem dāyeleri qızı ḥareminde idi ve qadīmi bī‑tekellüf bendeleri // idi buyurmışlar ki kimler var idi dėmiş pādişāhum ṣoḥbet‑i ḫāṣṣ idi baʿżı ẓurefā var idi Aḫī Celebi daḫı // anda idi ḥattā Mehdī gāvuñ ögi oġlı Mīrzā ʿAlī dėdükleri cevān ziyāde // ṣāḥib‑cemāl ü ḥüsnde bī‑mis̱āl imiş ḥattā Aḫī Celebi çoq terbiyeler ėdüb bir qaç kerre qaṣd ėtmiş ki sarāy ḫuddāmına